Стаіць сухое надвор’е, якое пад-штурхоўвае аграрыяў да аператыўнага правядзення сяўбы ў сціслыя тэрміны. Неабходнай для насення вільгаці вось-вось зусім не стане ў глебе, а таму раслінаводы раёна паспяшаюць завершыць як мага хутчэй адно з галоўных мерапрыемстваў.

Такой жа мэтай кіруюцца і працаўнікі ААТ “Чэрыкаўрайагра-прамтэхзабеспячэнне”, дзе працэс сяўбы вя-дзецца на належным узроўні. Пераканацца ў гэтым было магчыма карэспандэнту “ВЧ” падчас паездкі на палі сельгаспрадпрыемства напярэдадні выпуску ў свет новага нумару газеты. Каля пасёлку  Латышчына, на прыдарожным яравым палетку, кіпела праца. Механізатар Аляксандр Малаткоў на трактары “Беларус -15.23” з АКШ-6 вёў культывацыю глебы. Па падрыхтаванаму ўчастку палёў механізатар Уладзімір Савосцін на “Беларусу” з сеялкай хутка праводзіць сяўбу. А папаўняе бункеры сеялкі новай партыяй  насення кіроўца МАЗа Мікалай Гатоўчыкаў. Гэты тэндэм дазваляе хутка весці запланаваныя мера-прыемствы.  І было відаць, што гэты клін ужо праз некаторы час будзе “закрыты”, а працаўнікі пачнуць штурмаваць новыя палеткі далей.

Дарэчы, у сельгаспрадпрыемстве неабходна пасеяць раннія яравыя  культуры на плошчы 1230 гектараў.

Алеся Панимаева