Пад такой назвай навучэнцы аб’яднання по інтарэсах «Юныя экскурсаводы» ДУА «Сярэдняя школа №2 г.Чэрыкава» зрабілі работу для ўдзела ў районным этапе рэспубліканскага конкурсу юных экскурсаводаў музеяў устаноў адукацыі.

Рэспубліканскі конкурс праводзіўся ва ўстановах адукацыі краіны з сакавіка па кастрычнік 2021 года з мэтай фарміравання ў навучэнскай моладзі грамадзянска-патрыятычных пачуццяў сродкамі экскурсійнай і музейнай дзейнасці. Былі прапанаваны дзве намінацыі — «Музейная мазаіка» і «Гісторыя аднаго экспаната». Мы абралі ўдзел у намінацыі «Музейная мазаіка», дзе прэзентавалі экскурсію па створанай намі музейнай экспазіцыі, прадметы якой звязаны з тэматыкай вырошчвання хлеба. Атрымаўшы перамогу ў районным і абласным этапах, трэба было абаранять сваю дзейнасць на рэспубліканскім этапе. Абарона праводзілася на платформе ZOOM. Рэспубліканскім журы адзначана, што ўсе прадстаўленыя конкурсныя праекты былі змястоўнымі, а юныя экскурсаводы ў пэўнай ступені прадэманстравалі свае экскурсійныя навыкі. Аднак, пры падвядзенні вынікаў перавага надавалася тым праектам, дзе былі выкарыстаны лагічныя пераходы для аб’яднання матэрыялаў экскурсіі ў адзінае цэлае, спалучэнні расказу і паказу ў экскурсіі, ужываліся экскур-сійныя прыёмы (напрыклад, прыём глядзельнай аналогіі, характарыстыкі, пытанняў-адказаў і інш.), а таксама ацэньвалася культура мовы, эмацыйнасць, артыстызм юных экскурсаводаў. Крокам да перамогі было і тое, што наш «Музей Хлеба» з’яўляецца адзіным на тэрыторыі краіны. Па выніках ацэнкі конкурсных праектаў рэспубліканскім журы мы атрымалі Дыплом III ступені Міністэрства адукацыі Рэспублікі Беларусь. Гэты поспех адбыўся яшчэ і дзякуючы рэканструкцыі музея праз удзел установы адукацыі у Конкурсе ініцыятыў «Рэгіянальныя ініцыятывы для развіцця мікрарэгіёнаў».

Наталля Яўменчыкава,
кіраўнік «Музея Хлеба».

 

Поделиться ссылкой: