Нарыхтоўка кармоў: пастаўленыя задачы у Чэрыкаўскім раёне выконваюцца
Нарошчваюць хуткія тэмпы ў кашэнні траў першым укосам працаўнікі палёў КСУП “Язёрскі”. Корманарыхтоўшчыкам сельгаспрадпрыемства ў бягучым годзе неабходна нарыхтаваць 905 тон сена, 12700 тон сенажу, зялёнай масы 17462 тоны, па прагрэсіўным тэхналогіям —1055 тон травяністых кармоў. Карыстаючыся добрым спрыяльным надвор’ем працаўнікі робяць усё магчымае, максімальна выкарыстоўваючы наяўныя рэсурсы, каб паспяхова завяршыць першы этап распачатай касавіцы. Ды і сама справа даручана вопытным і добрасумленным механізатарам. Так, на кашэнні траў задзей-нічаны Аляксандр Князькоў (на здымку), пасля варушэння зялёнай масы і яе падвяльвання змяльчае сыравіну для сенажу Юрый Качалкін, а Уладзімір Сусоеў прасуе высушанае сена.
Алеся Панімаева