Мікола Сцюдзёны. У даўнейшыя часы рэдкі год у гэты дзень не было маразоў. Таму раней нашы продкі казалі: «На сцюдзёнага Міколу снегу наваліць гору». Людзі верылі, што Мікола апякае жывёл, ведае, дзе яны хаваюцца. Таксама нашы продкі лічылі, што ў гэты дзень у дзікіх жывёл адбываюцца вяселлі.

Масленіца — адно з самых вясёлых і доўгачаканых свят у годзе, святкаванне якога доўжыцца сем дзён.

Аўторак Масленіцы —“Зайгрышы”. З гэтага дня пачынаюць хадзіць адзін да аднаго ў госці. Дзяўчаты і хлопцы каталіся на санках, выглядаючы сабе жаніхоў і нявест.

Галоўны герой Масленіцы — залаты румяны блін, які нагадвае сонейка, па якім маркоціліся людзі за час доўгай зімы. Па колькасці выпечаных бліноў і іх форме ў мінулым судзілі аб сваёй будучыні.

• Колькі залатых бліноў спячэ гаспадыня — столькі сонечных дзён чакаць у наступным годзе. Але тут трэба ведаць меру, інакш можна перастарацца і наклікаць на сябе спёку і засуху.
• Калі першы блін атрымаўся тонкім і карункавым — жыццё будзе ў наступным годзе лёгкае і дабратворнае. Калі тоўсты і шчыльны —прыйдзецца шмат і доўга працаваць.

Имяніны: Аўраамій, Аляксандр, Аляксей, Андрэй, Ганна, Аркадзь, Барыс, Васіль, Георгій, Дзмітрый, Евагрый, Яўстафій, Кацярына, Іадор, Ясім, Іван, Іосіф, Ісідар, Кірыл, Капрый, Марыя, Мяфодзій, Міхаіл, Мікалай, Пётр, Рафаіла, Серафім, Сяргей, Фалалей, Феактыст, Фёдар, Юрый.