Чарговыя ўзнагароды ўручаны хлебаробам Чэрыкаўшчыны

Не сакрэт, што сёлета жніво праходзіць не ў зусім спрыяльных умовах надвор’я, як і сам працэс вырошчвання зерневых і зернебабовых культур быў  з пэўнымі цяжкасцямі і складанасцямі.  Але, нягледзячы на не зусім высокія вынікі ўборкі ўраджаю, ўсё  ж такі ёсць і тыя хлебаробы, хто, безумоўна, заслугоўвае падзякі за сваю працу. Старшыня райкама прафсаюза працаўнікоў АПК Сяргей Мядзведзеў наведаў чарговае сельгаспрадпрыемства з  ганаровай місіяй – уручыць узнагароды лепшым. Менавіта сама цырымонія праходзіла на машынным двары ВТУП “Агракомплекс “Светлы”, дзе Сяргей Міхайлавіч уручыў Ліст падзякі райкама і каштоўны падарунак за перавозку звыш тысячы тон збожжа кіроўцу аўтамабіля Валерыю Казначэеву. Свае падарункі ад прадпрыемства ўручыла старшыня прафсаюзнага камітэта сельгаспрадпрыемства Людміла Уласенка экіпажам камбайнёраў у складзе  Аляксандра Карпіловіча і Сяргея Рандаўцова, Дзяніса Крыштопіка і Ігара Дубіненкі, камбайнеру Канстанціну Сляпцову.

Алеся Панімаева