Аляксандр Ермакоў — герой праекту «Гісторыя ў фотаздымках»
Аляксандр Ермакоў (на фотаздымку) знаёмы супрацоўнікам КСУП “Язёрскі” даўно, бо ў гэтым сельгаспрадпрыемстве ён прапрацаваў механізатарам 18 гадоў. Выконваў усе віды палявых работ – ад ворыва да ўборкі ўраджаю розных культур. А ў “паўзах” паміж палявымі работамі займаўся і адвозкай угнаенняў на палеткі, і перавозкай розных грузаў, выконваў шмат іншых даручэнняў па справах гаспадаркі. Аляксандр Віктаравіч – добрасумленны і адказны працаўнік, таму і кіраўніц-тва сельгаспрадпрыемства заўсёды даручала заданні, дзе патрэбны яго кемлівасць, вопыт і ўменні.
Зараз Аляксандр Ермакоў працуе кіроўцам у УКПП “Чэрыкаўскі жылкамунгас” у экстранай службе ўжо амаль13 гадоў. У яго абавязкі ўвахо-дзяць дастаўка спецыялістаў да месца, напрыклад, прарыву вадаправода ці кароткага замкання ў жылым сектары. Для гэтага ёсць два аўтамабіля: легкавая “Ніва” і асенізатар-ская машына для адкачкі вадкасцяў. Калі здараецца экстранны вызаў, у залежнасці ад таго, якую праблему трэба ліквідаваць, выязджае адзін са спецыяльных аўтамабіляў. Працуе Аляксандр Ермакоў у службе з іншымі супрацоўнікамі жыл-камунгаса пасменна, таму дзяжурства падпадае ў асноўным ўноч, а калі і на выхадныя дні.
Сам герой фотапраекту райгазеты родам з Селішча, там і зараз жыве, а на працу дабіраецца на асабістым аўтамабілі. А калі выпадае вольны час і спрыяе надвор’е, Аляксандр бярэ ў рукі вуду і ідзе на рыбалку. Дарэчы, гэта хобі стала адным з самых любімых. Раней сярод захапленняў было паляванне на лясных звяроў, але зараз яно адышло і замянілася іншымі, больш спакойнымі заняткамі.
Сярод радасцей у жыцці Аляксандра Віктаравіча і яго жонкі – іх дзеці Генадзь і Аляксандр, дзве ўнучкі і ўнук, якія наведваюць родную хату, калі з’яўляецца магчымасць.
Алеся Панімаева
