Народны каляндар: 27 студзеня
27 января 2026 6:55
Нельга спаць да абеду і лайдачыць. Лічыцца, што можна праспаць сваё шчасце. Рэкамендуецца прачнуцца раней і адразу ж заняцца хатнімі справамі: прыгатаваць сняданак,прыбрацца. Таксама не рэкамендуецца крыўдзіцца, бо ўсе крыўды абярнуцца супраць пакрыўджанага. Не варта 27 студзеня крычаць, скандаліць і падвышаць голас.
Нельга даваць у доўг і пазычаць самім. Паводле павер'яў, пасля гэтага фінансы знікнуць з дому. Пры гэтым падаваць міласціну бедным можна.
У гэты дзень вельмі пільна даглядалі скаціну. Асаблівую пашану выказвалі каровам, бо яны лічыліся карміцелькамі сям’і. Верылі, што малако каровы ў гэты дзень валодае цудадзейнымі ўласцівасцямі – вылечвае ад хвароб, укусаў змяі, апёкаў і нават ад удараў маланкі. Нельга ў гэты дзень лічыць удоі — у каровы малако знікне.
У нашых продкаў на гэты дзень былі такія прыкметы: белыя аблокі на небе – хутка будзе халодна; шэрань на галінах дрэў – хутка пацяплее; калі пеўні крычаць з раніцы – хутка адступяць халады.
Імяніны адзначаюць: Андрэй, Ніна, Веніямін, Сцяпан, Марк, Майсей, Ілля, Сяргей, Павел, Агнія.
