Працоўны шлях ураджэнкі вёскі Вербеж Таццяны Пракапенка  пачаўся недзе ў 1988 годзе, калі яна пасля заканчэння Магілёў-скага вучылішча па прафесіі “закройшчыца жаночай і дзіцячай лёгкай сукенкі” трапіла на адпрацоўку ў комплексна-прыёмны пункт вёскі Вепрын. А калі гэты населены пункт пачалі адсяляць, Таццяна Кузьмінічна ўладкавалася закройшчыцай індпашыву ў КПП, што быў у тыя часы ў будынку сучаснай пральні. На гэты момант у яе ўжо была свая сям’я. Пасля нараджэння сына, праз некаторы час, перайшла ў гарадское атэлье швачкай індпашыву, дзе працавала амаль да 2009 года. А з гэтага перыяду па сённяшні дзень яна працуе прадаўцом-кансультантам у ПУП “Мабільны горад” ад “Velcom”, а асвоіць навыкі новай прафесіі дапамаглі курсы па навучанню валоданнем вылічальнай тэхнікай ў ДПЛ №11. Зараз у абавязкі Таццяны Пракапенка ўваходзіць пад-ключэнне сімкарт сувязі, продаж мабільных тэлефонаў і аксэсуараў да іх, а таксама афармленне растэрміноўкі, і усе працэсы праходзяць праз камп’ютэр. Дарэчы, праца Таццяне Кузьмінічне падабаецца, ня-гледзячы на напружаны графік і шматлікіх наведвальнікаў.

Алеся Панімаева