Добрыя словы падзякі і пажаданні поспехаў у працы былі выказаны ў мінулы аўторак хлебаробам ААТ «Эксперыментальная база «Чэрыкаў». На сустрэчу з працаўнікамі на поле сельгаспрадпрыемства прыехаў старшыня райкама прафсаюза працаўнікоў АПК Сяргей Мядзьведзеў. Ён падзякаваў удзельнікам жніва за добрасумленнае выкананне сваіх абавязкаў і ўручыў каштоўны падарунак камбайнёру сельгаспрадпрыемства і Ліст падзякі раённага камітэта камбайнёру Сяргею Яфрэмаву. Не засталіся не адзначанымі і працоўныя поспехі іншых хлебаробаў. Свае словы ўдзячнасці выказаў выконваючы абавязкі дырэктара  ААТ «Эксперыментальная база «Чэрыкаў» Уладзімір Левы і старшыня прафсаюзнага камітэта сельгас-прадпрыемства Таццяна Ларчанка, якія потым уручылі падарункі камбайнёрам Уладзіміру Касцюку, Уладзіславу Чабатарову, Дзмітрыю Кадзеля, Віталю Шаху і Сяргею Яфрэмаву.

        Алеся Панімаева