“СПАЗНАЙ СМАК СВАЁЙ КУХНІ!”: Карысныя стравы з тонкіх бліноў або лаваша. Смачныя сакрэты
Раней бліны на стале былі кожны дзень. Зараз у гаспадынь не хапае часу, таму яны купляюць лаваш і гатуюць з яго розныя стравы. У наш час практычна ва ўсіх кухнях свету існуе шмат рэцэптаў, у якіх лаваш ці бліны адыгрываюць галоўную ролю. Прапануем вам рацэпты страў з лаваша або бліноў, тут ўжо як кажуць — на ваш густ!
Лянівы пірог на патэльні
Інгрэдыенты: лаваш 1 ліст, 2 яйкі, смятана, памідор 1 шт., каўбаса, сыр (100 гр.), зеляніна па жаданні, соль, спецыі па гусце
Спосаб прыгатавання: змяшаць яйкі са смятанай, дадаць сыр, каўбасу, памідор і зеляніну. Лаваш згарнуць у трубачку і нарэзаць на тонкія палоскі таўшчынёй прыкладна 1 см. Добра ўсё змяшаць. Патэльню змазаць раслінным алеем, шчыльна абкласці цеста, накрыць і пячы 10 хвілін на маленькім агні. Перавярнуць пры дапамозе вечка і падсмажыць пару хвілін іншы бок.
Мясны пірог
Інгрэдыенты на форму 22 см: 2 лісты лаваша, сыр (150-200 гр.)
Начынне: фарш 300 гр., 1 цыбуліна,1 памідор, зубчык часнаку, спецыі для мяса і соль
Для заліўкі: 4 яйкі, 1 ст л мукі з горкай, 6 ст. л. малака, 6 ст. л. смятаны, соль
Спосаб прыгатавання: начынне абсмажыць амаль да гатоўнасці. На лісты лаваша насыпаць сыр, затым размеркаваць начынне, скруціць у рулет і разрэзаць на рулецікі таўшчынёй не вышэй за борт формы. Утрамбаваць ў форму шчыльна і паліць сумессю для залівання. Зверху засыпаць сырам і выпякаць у разагрэтай да 190 С духоўцы 25-30 хвілін. Выдатны варыянт на сняданак, абед ці вячэру. Замест памідора можна выкарыстоўваць кетчуп. Або да фаршу дадаць гатовую аджыку.
Канверцікі
Інгрэдыенты: лаваш, сыр, памідоры, вяндліна, яйка, зеляніна
Спосаб прыгатавання: лаваш нарэзаць на доўгія палосы шырынёй 10-15 см. Для начыння змяшаць нацёрты сыр, нарэзаныя кубікам вяндліну і памідоры, зеляніну. 1 ст л начыння пакласці на бок палоскі з лаваша, згарнуць канверцікам. Яйка ўзбіць відэльцам, абмакнуць у яго канверцік і абсмажыць на патэльні на невялікай колькасці алею з двух бакоў да залацістай скарыначкі.
