У гэты дзень праваслаўная царква ўспамінае Максіма Грэка і Максіма Спавядальніка або, як яго яшчэ называюць, Максіма-суцяшальніка. Вялебнага Максіма лічаць дапаможцай у бедах і суцяшальнікам у крыўдах. Таксама святому моляцца пра заступніцтва сірот і ўдоў.  Па традыцыі ў гэты дзень было прынята ўзгадваць дабром людзей, якія дапамаглі ў цяжкую хвіліну, маліцца аб дабрабыце сям’і, а жанчыны маліліся за сваіх мужоў. Казалі: «Максім уцяшыць усялякую кручыну».

Звычайна на Максіма гаспадыні выпякалі  пірагі з мясам, грыбамі або рыбай. Дзень лічыўся прыдатным для разнастайных абрадаў.

Калі Месяц схаваны за аблокамі – чакай добрага ўраджаю; яснае надвор’е – да зацяжных маразоў. Калі суха і холадна — лета будзе гарачым.

3 лютага імяніны (дзень анёла) святкуюць людзі з імёнамі Яўген, Іван, Ілля, Максім, Ян, Ганна, Агнія, Неафіт, Кандзід, Валяр’ян, Акіла, Ілія, Анастасій.