Народны каляндар: 22 лютага
Раней у гэты дзень нашы продкі плялі лапці і падлічвалі харчовыя запасы. Да 22 лютага не заўсёды захоўвалася збожжа: «Не ўсякі Панкрат хлебам багаты». У некаторых мясцінах нашы продкі вывешвалі каля хлява, на плоце, на варотах лапці як абярэг ад нячысцікаў. Лічылі, што народжанага ў гэты дзень абыходзіць лянота.
Апошні дзень Масленіцы — нядзеля — адзначыцца развітаннем з зімой і чаканнем прыходу вясны. На сёмы дзень бліновага тыдня трэба абавязкова спаліць пудзіла, а яшчэ папрасіць прабачэння ў родных і блізкіх людзей за спрэчкі, якія здараліся ў вас у мінулы год. Вернікі называюць гэтую нядзелю дараванай. У нядзелю перад постам, у сем’ях прасілі прабачэння: малодшыя ў старэйшых, старэйшыя ў малодшых. Напачатку поста , у першай палове пянядзелка вымывалі чыгункі ад скаромнай ежы і ставілі іх на высокае месца з рытуальнымі прыгаворамі. Праважалі скаромную ежу і развітваліся з зімой.
-Пасля вячэры не трэба прыбіраць са стала, калі прыбрацца — тое чакае сям’ю бедны і складаны год. — Нельга сціраць, прыбіраць, капаць зямлю, займацца гаспадаркай. -Не трэба адмаўляць нікому ў прабачэнні.
Імяніны: Васіль, Генадзь, Інакенцій, Маркел, Нікіфар, Панкрат, Ізабела, Малгажата, Марта, Нікіфар, Пётр, Маргарыта.
