У гэты дзень прынята было пячы пірагі з цыбуляй і не з’ядаць усё самім, а раздаваць частку жабракам – на шчасце. У некаторых мясцінах продкі гатавалі гаючае зелле з карэнняў, сабраных летам. Людзі верылі, што ў гэты дзень такім хатнім лекам даецца вялікая сіла.

У народзе лічылася, што надвор'е ў гэты дзень можа прадказаць, якім будзе сакавік. Калі дзень сонечны і зацішны, гэта прадвесціць цёплую вясну, а калі ж ідзе снег або дзьме моцны вецер, то зіма яшчэ затрымаецца на некаторы час. Таксама казалі, што калі 20 лютага на дрэвах з`яўляецца іней, то лета будзе дажджлівым.

Пятніца ў Масленіцу — «Цешчыны вячоркі». Па старажытнай традыцыі ў гэты дзень зяці запрашаюць у хату цешч і частуюць блінчыкамі. Што цікава, пякуць пачастункі не мужчыны, а іх жонкі. Нежанатым хлопцам у масленічную пятніцу можна заняцца пошукам каханай дзяўчыны, каб абзавесціся патэнцыйнай цешчай.

Імяніны: Лука, Парфэн, Пётр, Аляксей, Іван, Антон, Георгій і Ганна.