Свае яравыя палеткі аграрыі КСУП “Язёрскі” амаль што “закрылі”. На момант наведвання палёў сельгаспрадпрыемства карэспандэнтам “ВЧ” напярэдадні выпуску новага нумару райгазеты працаўнікі палёў паведамілі: “Гэта апошнія гектары, дасеем і пачнем зернесумесі, а затым сяўбу кукурузы”.

Не без усмешкі на твары механізатар Валянцін Пуздаеў (на здымку), да якога звярнуўся журналіст с размовай, паведаміў аб працы  на сяўбе, што дазволіла рухацца да выканання задачы аператыўна.

–Бачыце, у мяне новы трактар, – радасна адзначыў механізатар,– толькі-толькі прыгналі. Асабіста сам ездзіў яго забіраць у першых лічбах красавіка. Вось які ён магутны, с кандыцыянерам, проста казка.

Валянцін Пуздаеў, дарэчы, быў заняты на сяўбе пшаніцы, а яго трактар “Беларус-35-22” паспяхова прайшоў першы іспыт палявымі працамі, робячы роўныя пасевы прычэпным абсталяваннем.

У паляводчай брыгадзе не абыйсціся было і без працы механізатара Уладзі-міра Сусуева, які падвозіць насенне да бункераў трактару, а таксама без пад-трымкі Віталя Сямёнава і Алега Пецярбурцава, якія выконваюць вясновае ворыва. А на дыскатары  заняты Аляксандр Князькоў.

Трэба адзначыць, што план яравой сяўбы сельгаспрадпрыемства сёлета складае 700 гектраў, будзе пасеяна кукуруза на зерне на плошчы 200 гектараў.

Алеся Панімаева