Дасягненні краяведаў Чэрыкаўшчыны
З мэтай развіцця навукова-даследчай дзейнасці як эфектыўнага фактара павышэння якасці адукацыі і ўсебаковага развіцця асобы навучэнцаў у Рэспубліканскім цэнтры экалогіі і краязнаўства прайшла рэспубліканская навукова-практычная канферэнцыя «Краязнаўчыя даследаванні як сродак далучэння навучэнцаў да пошукава-даследчай дзейнасці».
Матэрыялы, падрыхтаваныя ўдзельнікамі конкурсу, прайшлі сур’ёзны адбор у межах раённых і абласных этапаў. У выніку на рэспубліканскі этап конкурсу «Скарбонка краязнаўчых знаходак» было прадстаўлена больш за 70 работ, да ўдзелу ў рэспубліканскай канферэнцыі было адабрана 40 лепшых праектаў. Вельмі прыемна адзначыць, што па выніках ацэнкі рэспубліканскага журы, у склад якога ўвайшлі прадстаўнікі Нацыяльнай акадэміі навук Беларусі, Беларускага дзяржаўнага ўніверсітэта культуры і мастацтваў, Рэспубліканскага цэнтра экалогіі і краязнаўства, першае месца заняў навучэнец ДУА “Сярэдняя школа № 2 г. Чэрыкава” Дзмітрый Аляксееў, які сумесна са сваім навуковым кіраўніком Васілем Максіменка, педагогам-арганізатарам ДУДА «Чэрыкаўскі цэнтр дзіцячага і юнацкага турызму, краязнаўства і экскурсій», прэзентаваў даследаванне «Генеральны план застройкі і рэканструкцыі горада Чэрыкава 1949 г». Асаблівасцю дадзенай работы стаў аналіз сувязі паміж гістарычным мінулым і сучасным жыццём нашага горада. Як паказалі даследванні, сучасны выгляд камунікацый і архітэктурнага планвання горада маюць невыпадковы характар: развіццё Чэрыкава ў пасляваенныя гады адбывалася згодна запланаваным мерапрыемствам. Але Генеральны план горада Чэрыкава 1949 года не быў выкананы ў поўным аб’ёме. Чаму? Вось на гэтае пытанне і спрабавалі адказаць нашыя краяведы ў межах свайго даследвання.
І гэта ў іх добра атрымалася. Падцверджаннем гэтага сталі словы ўдзячнасці за праведзеную даследчую работу навучэнцу і педагогу з боку галоўнага спецыя-ліста ўпраўлення сацыяльнай, выхаваўчай і ідэалагічнай работы галоўнага ўпраўлення выхаваўчай работы і маладзёжнай палітыкі Міністэрства адукацыі Рэспублікі Беларусь Таццяны Драпаковай і ганаровая грамата Міністэрства адукацыі Рэспублікі Беларусь.
Алена Батвінкова, дырэктар ДУДА
«Чэрыкаўскі цэнтр дзіцячага і юнацкага
турызму, краязнаўства і экскурсій».
