Лета для сельгаспрадпрыемстваў раёна застаецца самым напружаным перыядам з усяго гадавога каляндара, бо за кароткія тэрміны неабходна паспець выканаць цэлы шэраг работ.

Напрыклад, ВТУП “Агракомплекс “Светлы” зараз вядзе ўходныя работы за пасевамі. Менавіта належную ўвагу тут надаюць хімічнай праполцы яравых сельгаскультур, якія ў бягучым годзе размешчаны на плошчы 2059 гектараў. Апрацоўку праводзяць спецыяльнымі растворамі, каб абараніць расліны ад пустазелля, такім чынам даць ім магчымасць добра расці і налівацца ў спелыя каласы.  Дарэчы, адказную справу даверылі вопытным і добрасумленным механізатарам Андрэю Дудараву і Віталю Цыганкову (на здымку), якія, не сакрэт, знаходзяцца ў ліку лепшых у сельгаспрадпрыемстве на працягу многіх гадоў. А за падвоз вады ў цыстэрне ў неабходнай колькасці адказвае малады механізатар Максім Шашкоў. Выкананню задання спрыяла і добрае надвор’е на гэтым тыдні без дажджу, што зрабіла праведзеныя апрацоўкі культур эфектыўнымі.

Алеся Панімаева