Вясеннюю сяўбу ранніх сельгаскультур аграрыіі КСУП “Язёрскі” завяршылі: засеяны клін яравымі сёлета тут складае 468 гектараў. Аднак палявыя працы на гэтым не скончаны, а працягваюцца, і адны віды змяняюцца іншымі. Вось і зараз да таго часу, калі пачнецца сяўба цеплалюбівай кукурузы, трэба падрыхтаваць палі. Перш-наперш патрабуецца ўзараць участкі, дзе царыца палёў бу-дзе вырошчвацца, а затым неабходна правесці культывацыю глебы. Такую справу, канешне, даручаюць менавіта вопытным і добрасумленным механізатарам, якія сочаць за глыбіней ворыва, наладкай плугоў і спраўнасцю тэхнікі. Аратый гаспадаркі Валянцін Пуздаеў за свае гады працы, а агульны стаж механізатара налічвае 32 гады, адпавядае ўсім крытэрыям прафесіянальнага патрабавання, таму штогод прымае ўдзел у розных палявых работах.
–Мая задача – падрыхтаваць вось гэтыя ўчасткі поля для сяўбы на іх насення кукурузы,– адзначае Валянцін Рыгоравіч.– па-першае, на трактары з плугамі яго неабходна ўзараць, затым замяню плугі на культыватар і апрацую палеткі пасля ворыва. Тэрміны дазваляюць не спяшацца, весці працу дасканала, тым больш што энерганасычаны трактар “Беларус” амаль што “штурмуе” пашу.
Дарэчы, апрацоўку іншых ўчасткаў палёў таксама даручылі механізатару з вялікім вопытам працы Алегу Пецярбурцаву.
Акрамя гэтага, ў гаспадарцы не забываюць і пра неабходныя мерапрыемствы — унясенне КАС. Гэту справу выконваюць Аляксандр Алёсаў і Ігар Давы-дзенка, а дастаўляе для запраўкі цыстэрнаў карысную падкормку Юрый Качалкін. Увесь калектыў раслінаводаў КСУП “Язёрскі” імкнецца выканаць запланаваныя працы якасна і ў агратэхнічныя тэрміны.
