Вясеннія працы на глебе зноў і зноў у цэнтры ўвагі розных спецыялістаў. Менавіта ў першую чаргу аграрыі спяшаюцца ў сціслыя тэрміны выканаць заданне па сяўбе ранніх яравых сельгаскультур, на што падключаны ўсе магчымыя рэсурсы.

Не стаяць у баку ад стратэгічных мерапрыемстваў і раслінаводы АТТ “Эксперыментальная база “Чэрыкаў”, дзе яравыя палеткі сёлета будуць вырошчвацца на плошчы 800 гектараў. Пасяўны план скаладаецца з асноўных сельгаскультур: пшаніца – 180 га, ячмень – 305 га, авёс –100 га, зернебабовыя – 170 га, кукуруза на зерне – 250 га. У такі адказны момант не абыйсціся без добрасумленных і вопытных працаўнікоў, каму можна даверыць тую ці іншую працу. Дарэчы, падрыхтоўцы глебы ў гаспадарцы надаюць пэўную ўвагу, бо да таго калі па пашы пойдзе пасяўны агрэгат, участкі трэба ўзараць і пакультывіраваць.

– Ворыва – вельмі адказны момант у апрацоўцы глебы,– адзначыў карэспандэнту “ВЧ”галоўны аграном эксбазы Уладзімір Левы падчас сустрэчы на полі, дзе працуе тэхніка,– бо ўзаранне глебы робіцца для таго, каб насыціць яе ў першую чаргу кіслародам, палепшыць структуру, перамяшаць кампаненты грунта, знішчыць насенне і карані пустазелля, пазбавіцца ад шкоднікаў. Але і ў гэтай справе трэба прытрымлівацца агратэхнічных тэхналогій. Напрыклад, пад кожную культуру свая глыбіня ворыва: плугі глебаапрацоўчага агрэгата рэгулююцца згодна раслінаводчых патрабаванняў. Таму і ў палявых мерапрыемтсвах у нас удзельнічаюць у асноўным вопытныя механізатары, якія прайшлі своеасаблівую паляводчую школу.

Уладзімір Левы дадаў, што яго адна з галоўных яго задач зводзіцца да рашэння арганізацыйных момантаў, кантралявання  ўсіх  паляводчых працэсаў. Тая ж тэхналогія апрацоўкі глебы – у яго на кантролі. Разумеюць пастаўленыя задачы і імкнуцца да іх выканання калектыў механізатараў, у ліку якіх і Уладзімір Ка-дзеля, чый працоўны стаж пачаў свой адлік у 1990-х гадах.

Не адзін год запар падцвяр-джае свой прафесіяналізм у працы на тэхніцы Сяргей Яфрэмаў, а ў сёлетняй сяўбе ён задзейнічаны на сеялцы.

Культывацыя даверана добрасумленным хлебаробам Андрэю Чыркову і Максіму Шашкову. Сеянцы азімых культур таксама атрымліваюць неабходны догляд. У гэтай справе задзейнічаны Уладзімір Шаўцоў і Арцём Цяпін, якія ўносяць мінеральныя рэчавы на палетках, дзе набіраюцца сіл маладыя сеянцы.

А яшчэ ў сельгаспрадпрыемтсва прыйшла на практыку студэнтка 4 курса Горацкай БДСГА Марыя Дзем’янкова, якая пасспяхова ўваходзіць у курс справы. Магчыма, у хуткім будучым у галоўнага агранома эксбазы з’явіцца памочнік – аграном.