Штодзень  аграрыі раёна папаўняюць статыстыку выкананых паляводчых мерапрыемстваў. Вось і зараз кіпіць праца на вясеннім полі, а раслінаводы гаспадарак вядуць сяўбу кукурузы. Дарэчы, па стане на 4 мая ў раёне ўжо пасеяна 1155 гектараў каштоўнай сельскагаспадарчай культуры, што складае  39 % ад запланаванага. Уключыліся ў працэс і працаўнікі КСУП “Прагрэс”, дзе сёлета будзе пасеяна 290 гектараў на сілас і 200 гектараў на зерне. Сяўбу вядзе адказны механізатар Юрый Гапееў, які за гады працы ў сельгаспрадпрыемстве набыў добры вопыт, як на падрыхтоўцы глебы, у сяўбе, так і на выніковым мерапрыемтсве – жніве. Разам з калегамі па працы Юрый выконвае пастаўленыя кіраў-ніцтвам задачы.

— Сёлета я быў заняты на вясеннім ворыве, —  адзначае механізатар, — маёй мэтай было падрыхтаваць глебу для сяўбы яравых сельгаскультур. Заданне паспяхова выканана. Зараз мне даверылі пасяўны агрэгат, які наладжаны пад насенне кукурузы. Гэту расліну трэба пасеяць ў сціслыя тэрміны, пакуль спрыяльнае надвор’е і дастаткова вільгаці для прарастання  зярнят. Думаю, даручанае мне заданне будзе выканана.